ककरो बपउति नोहे

गोपाल साहू

मोर - मोर मं बितगे तोर उमरिया

तयं सुन ले जहूंरिया- 

ककरो बपौती नोहे जी

नाली नरवा बोहागे,

बहू बेटा अलगागे

डोकरा के मरना होगे,

ठाढ़े तरवा सुखागे

डोकरा के पुरगे देवारी जी ,

ककरो बपौती नोहे जी

सास के कठोता बहू बर धरे,

सियान मन गोठियाइन अइसने

सबके लगे हे ओरी - पारी जी,

ककरो बपौती नोहे जी

कोनो परिया मं भूंज देही ,

कोनो नरवा मं फेंक देही

आ के बरा - भजिया खाही,

कउवा ल ददा बनाही

'' गोपाल '' होगे पांच दुआरी जी,

ककरो बपौती नोहे 

भण्‍डारपुर ( करेला )

पोष्‍ट - ढारा, व्‍हाया  - डोंगरगढ़

जिला - राजनांदगांव ( छत्‍तीसगढ़ )