दुनिया मारथे लबारी

गोपाल साहू

दुनिया मारथय  कइसे लबारी
सबके मुड़ मं गदहा के संवारी
दाई ददा पोंसे पाले,लइका फेर ओला हकाले
बनके पंछी पिंजरा मं राखय
कुकुर बिलइ ल संग सुतावय
दाई-ददा फिरे दुआरी-दुआरी
सबके मुड़ मं गदहा के सवारी
जीय त दाई-ददा बर पसिया नइहे
दाई-ददा के गोठ बात सहिना नइहे
कुंवार महिना के बात ये
कउवा सबके बाप बने
ओकर बर बरा सोहारी
सबके मुड़ मं गदहा के सवारी
जीय त देवता पसिया न पावे
पखरा-माटी मं खीर च ड़ावे
कहत गोपाल तुम
करव मत मुड़ मं उधारी
सबके मुड़ मं गदहा के सवारी